മിക്കാവാറും എല്ലാവര്‍ക്കും ഇഷ്ടപ്പെട്ട ഒരു പാനീയമാണ് മില്‍ക്ക് ഷേയ്ക്ക്. പല രുചിഭേദങ്ങളില്‍ ലഭിക്കുന്ന ഒന്നാണെങ്കിലും വാനില മില്‍ക്ക് ഷേയ്ക്കിനോടാവും കൂടുതല്‍ ആളുകള്‍ക്കും പ്രിയം.
വാനില മില്‍ക്ക് ഷേയ്ക്ക് നമ്മുടെ വീട്ടില്‍ തന്നെ എളുപ്പത്തില്‍ ഉണ്ടാക്കാനുള്ള മാര്‍ഗ്ഗം ഇവിടെ പരിചയപ്പെടുത്തുന്നു,
ചേരുവകള്‍:
- വാനില എക്സ്രാക്റ്റ്-3 ടേബിള്‍ സ്പൂണ്‍
- പഞ്ചസാര-2 ടേബിള്‍ സ്പൂണ്‍
- പാല്‍-കാല്‍ ലിറ്റര്‍
- വാനില ഐസ്‌ക്രീം-ഒരു കപ്പ്
- ഏലയ്ക്ക-2
- ഐസ് ക്യൂബ്
തയ്യാറാക്കേണ്ട വിധം:
- വാനില എക്സ്രാക്റ്റ്, ഐസ്‌ക്രീം, പാല്‍, പഞ്ചസാര എന്നിവ ചേര്‍ത്തടിയ്ക്കുക.
- ഇതില്‍ ഏലയ്ക്ക പൊടിച്ചു ചേര്‍ക്കാം.
- കൂടുതല്‍ തണുപ്പു വേണമെങ്കില്‍ ഐസ് ക്യൂബുകള്‍ ഇതിനൊപ്പം അടിച്ചു ചേര്‍ക്കാം.
- അല്ലെങ്കില്‍ ഷേക്ക് തയ്യാറാക്കിയ ശേഷം ചേര്‍ക്കാം.
വാനില മില്‍ക് ഷേക്ക് തയ്യാര്‍.
