അത്യാധുനിക ന്യൂറോസർജറിയിലൂടെ രോഗശമനം ഇനി സാധ്യം!!

നമുക്കേവർക്കും അറിയാവുന്നതുപോലെ ശാസ്ത്രസാങ്കേതിക തലത്തിൽ നിരവധി പുരോഗമനങ്ങൾ ആണ് സംഭവിച്ചു കൊണ്ടിരിക്കുന്നത്. ഇവയുടെ ആവിർഭാവം ആധുനിക ന്യൂറോസർജറി ശസ്ത്രക്രിയാരീതികളിൽ ഗണ്യമായ മികവ് കൈവരുത്താൻ സഹായിച്ചിരിക്കുന്നു. തലച്ചോറ് , നട്ടെല്ല് എന്നിവിടങ്ങളിൽ വരുന്ന തികച്ചും സംഗീർണവും മാരകവുമായ രോഗങ്ങളെ പോലും ഇന്ന് ആധുനിക Microneurosurgery – യുടെ സഹായത്താൽ പരിഹരിക്കാൻ സാധിച്ചു എന്നുള്ളത് എടുത്തുപറയേണ്ടത് തന്നെയാണ്.

ശരീരത്തിലെ ഏറ്റവും സംഗീർണമായ അവയവം ഏതെന്നു ചോദിച്ചാൽ നിസ്സംശയം പറയാൻ സാധിക്കും – അവ തലച്ചോറും നട്ടെല്ലുമാണ്. ഈ കാരണം കൊണ്ട് തന്നെ സ്വാഭാവികമായും വൈദ്യശാസ്ത്ര രംഗത്ത് ഏറ്റവും അധികം വെല്ലുവിളികൾ നേരിടേണ്ടി വരുന്നതും ഇവയ്ക്കു തന്നെയാണ്. തലച്ചോർ – നട്ടെല്ല് സംബന്ധിയായ ശസ്ത്രക്രിയകൾ എന്നും സംഗീർണ്ണവും അത്യധികം കൃത്യതയും ആവശ്യപ്പെടുന്ന ഒരു മേഖലയായിട്ടാണ് കണക്കാക്കപ്പെടുന്നത്.

വൈദ്യശാസ്ത്ര രംഗത്തെ വിപുലമായ ഗവേഷണങ്ങൾക്കും പ്രസിദ്ധീകരണങ്ങൾക്കും പുറമെ ശസ്ത്രക്രിയാരീതികളിൽ വന്നുചേർന്നിരിക്കുന്ന അതിനൂതനമായ പുരോഗമനങ്ങളുടെയും ഫലമായി Neurosurgery അതിശ്രേഷ്ഠമായി തന്നെ മെച്ചപ്പെട്ടിരിക്കുന്നു എന്നുള്ളത് പ്രശംസനീയമായ ഒരു കാര്യം തന്നെയാണ്.

എന്നാൽ പത്തൊമ്പതാം നൂറ്റാണ്ടിന്റെ അവസാനം മുതൽ ഇരുപതാം നൂറ്റാണ്ടിന്റെ ആരംഭം വരെ Neurosurgery – യിൽ കാര്യാമായ പുരോഗതികൾ ഒന്നും തന്നെ സംഭവിച്ചിരുന്നില്ല എന്ന് തന്നെ വേണം പറയാൻ.

1879 – ഇൽ Dr. William Macewen (1848 – 1924) എന്ന സ്കോട്ടിഷ് സർജൻ Neurological ലക്ഷണങ്ങളെ മാത്രം കേന്ദ്രികരിച്ചു തലച്ചോറിൽ നിന്നും Tumor നീക്കം ചെയ്തു കൊണ്ട് Neurosurgery – ക്കു ആദ്യമായി പരിപൂർണ വിജയം നേടി കൊടുക്കുകയുണ്ടായി.

എന്നാൽ 1884, November 25 – നു Dr. Rickman Godlee (1849 – 1925 ) എന്ന ഇംഗ്ലീഷ് സർജൻ, Trephination എന്ന പ്രക്രിയ വഴി ആദ്യത്തെ പ്രാഥമിക Brain Tumor ശസ്ത്രക്രിയ നിർവഹിച്ചു.

1907, March16 – നു Dr. Hermann Schloffer എന്ന ഓസ്ട്രിയൻ സർജനാണ് ആദ്യമായി Pituitary Tumour നീക്കം ചെയ്യുന്നതിൽ വിജയിച്ചത്.

എല്ലാ ഡോക്ടർമാരും ആളുകളെ സുഖപ്പെടുത്തുന്നതിനായി പ്രവർത്തിക്കുമെങ്കിലും, കഠിനമായ വേദന, ശാരീരിക വൈകല്യങ്ങൾ അല്ലെങ്കിൽ ആസന്നമായ മരണം എന്നിവയിൽ നിന്ന് രോഗികളെ മോചിപ്പിക്കുന്ന വിജയകരമായ ശസ്ത്രക്രിയകളെത്തുടർന്ന് ന്യൂറോ സർജനുകൾക്ക് അതിയായ സന്തോഷം അനുഭവപ്പെടുന്നു.അതിനു വേണ്ടിയുള്ള ഏതു പരിശ്രമവും അതിന്ടെ ഫലപ്രാപ്തിയിലേക്കു എത്തിക്കുവാൻ മനസ്സും ശരീരവും പൂർണമായി ഒരുക്കിയെടുക്കുന്നു.
ഓരോ ശസ്ത്രക്രിയയുടെ വിജയത്തിലും ഒരു Neurosurgeon അനുഭവിക്കുന്ന ചാരിതാർഥ്യം അക്ഷരാർത്ഥത്തിൽ പറഞ്ഞറിയിക്കാൻ ആവാത്തതിലും അധികമാണ്.

ഇതിനു പുറമെ പ്രധിവിധി ഇല്ലാത്ത അനേകം രോഗങ്ങൾക്ക് വേണ്ടിയുള്ള മുൻനിര ഗവേഷണത്തിൽ ഒരു നല്ല പങ്കുവഹിക്കുവാൻ Neurosurgeons – നു സാധിക്കുന്നുണ്ട്.

ഏറെ വൈദഗ്‌ദ്ധ്യവും, നിരന്തര പരിശ്രമവും, അതിലും ഉപരിയായി ശാസ്ത്രക്രിയയിലുള്ള പരിജ്ഞാനവും ശാരീരിക സഹിഷ്ണുതയും ഒരുപോലെ ആവശ്യപ്പെടുന്ന മേഖലയാണ് Neurosurgery (പ്രത്യേകമായും തലച്ചോറിന്റെയും നട്ടെല്ലിന്ടെയും ശസ്ത്രക്രിയകൾ)
ഒരു ശരാശരി Neurosurgery ഏകദേശം 4 – 5 hrs വരെ നീണ്ടു നിൽക്കുന്നവയാണ്.
ഒരു Neurosurgical Patient -നു Neurosurgeons -ന്ടെ മാത്രമല്ല Neuro Anaesthetists, Neuro Intensivists, Neurologist, Neuro Radiologists, Neuro Psychiatrist, ട്രെയ്ൻഡ് ആയ Neuro Nurses, Neuro Physiotherapists, Nutritional Therapists എന്നിവർ അടങ്ങിയ വിദഗ്ധരുടെ 24 മണിക്കൂർ തുടർച്ചയായ പരിചരണവും ലഭിക്കുന്നു.

അത്യാധുനിക Operating Microscopes, Neuro Navigation System, Cavitron Ultrasonic Surgical Aspirator (CUSA), Neuro Monitoring System,Intra Operative MRI, Endoscopic & Minimally Invasive Surgeries, Sophisticated Implants തുടങ്ങിയവയാൽ സജ്ജീകരണമായ ഓപ്പറേഷൻ തീയേറ്ററുകൾ, Neurosurgery മേഖലയിൽ സമഗ്രമായ പരിവർത്തനം കൊണ്ടുവരാൻ കാരണമായവയാണ്.

തലച്ചോറിന്റെയും നട്ടെല്ലിന്ടെയും വിവിധ തരത്തിലുള്ള രോഗങ്ങളെയും അസ്വാഭാവികതകളെയും Neurosurgery കൈകാര്യം ചെയ്യുന്നു. റോഡിൽ വച്ചുണ്ടാവുന്ന അപകടങ്ങൾ, തലയിടിച്ചുള്ള വീഴ്ചകൾ, ആക്രമണങ്ങൾ മൂലം സംഭവിക്കുന്ന ശിരസ്സിലെ പരിക്കുകൾ എന്നിവയെല്ലാം വേണ്ടവിധത്തിൽ കൈകാര്യം ചെയ്യേണ്ടതു ഒരു Neurosurgeon – ന്ടെ പ്രവൃത്തിമണ്ഡലത്തിൽ പെടുന്നതാണ്. അപകടം സംഭവിച്ചത് മൂലം തലയിലുണ്ടായ ഏൽക്കുന്ന പരിക്കുകൾ Clot – നു കാരണമാവുന്നു. ഇത് സസൂക്ഷ്മം നീക്കം ചെയ്യുക, അപകടം മൂലം തലയോട്ടിയിൽ ഉണ്ടാവുന്ന പൊട്ടലുകൾ, നട്ടെല്ലിൽ ഉണ്ടാവുന്ന പൊട്ടലുകൾ എന്നിവ പരിഹരിക്കാൻ വേണ്ടുന്ന സംഗീർണമായ പ്രക്രിയകളും ഒരു Neurosurgeon ചെയ്തുവരുന്നു.

തല ട്രോമയെക്കുറിച്ചുള്ള ഗവേഷണവും ധാരണയും വർദ്ധിച്ചതോടെ ചികിത്സയുടെ വിജയ നിരക്ക് വർദ്ധിച്ചുകൊണ്ടിരിക്കുകയാണ്, ഇപ്പോൾ ഇത് ഏകദേശം 95% ആണ്. Hypertensive Bleeds, Abnormal Vessel Bleeds മുതലായ യാദൃശ്ചികമായി സംഭവിക്കുന്ന രക്തസ്രാവം വഴി രൂപപ്പെടുന്ന Clots നീക്കം ചെയ്യുന്നതും Neurosurgeon തന്നെയാണ്. Coiling, Embolisation പോലുള്ള Minimally Invasive Interventional തെറാപ്പികൾ മികച്ച ഫലസാധ്യത ഉറപ്പു വരുത്തുന്നു.

ആധുനിക സാഗേതിക വിദ്യയുടെ വരവോടെ ശാസ്ത്രക്രിയാരീതികളിൽ അനുദിനം വന്നുചേർന്നു കൊണ്ടിരിക്കുന്ന പരിഷ്‌കാരങ്ങളുടെ ഫലമായി തലച്ചോറിലും സ്‌പൈനൽ കോർഡിലും കണ്ടുവരുന്ന വിവിധയിനം ക്യാൻസർ, ട്യൂമർ എന്നിവയെ പൂർണമായും ചികിൽസിച്ചു ഭേദമാക്കാൻ കഴിയുന്നു എന്നതും എടുത്തുപറയേണ്ട ഒന്നാണ്.
Meningiomas, Low Grade Gliomas, Pituitory Tumors, Germ Cell Tumors, Scwanommas , Cavernomas തുടങ്ങിയ ട്യൂമറുകൾ പൂർണമായും ചികിൽസിച്ചു ഭേദമാക്കാൻ സാധിക്കുന്നു.

ഇവക്കെതിരെ പൊരുതുവാനായി വിപുലമായ പഠനങ്ങളും ഗവേഷണങ്ങളും ഇപ്പോഴും നടന്നുകൊണ്ടേയിരിക്കുകയാണ്. Immunotherapy /Biological Response Modifier (BRM ) Therapy, Oncolytic Virus Therapy, Targeted Therapy of Faulty Genes or Proteins, Gene Therapy, Hormonal Therapy, Photodynamic Therapy, Electric Field Therapy എന്നീ ചികിത്സനടപടികൾ തീർച്ചയായും വരുംനാളുകളിൽ പ്രത്യാശ പകരുന്നവയാവും എന്നതിൽ സംശയം വേണ്ട.

ഈ കാലഘട്ടത്തിലെ ഏറ്റവും വലിയ വെല്ലുവിളിയായി തീർന്നിരിക്കുകയാണ് പതിന്മടങ്ങു വർധിച്ചു വരുന്ന കഴുത്തുന്ടെയും നടുവിൻടെയും വേദനയും അതോടൊപ്പം തന്നെയുള്ള Disc Prolapse – ഉം .
അതിസൂക്ഷ്മശാസ്ത്രക്രിയയുടെ ആഗമനത്തോടൊപ്പം തന്നെ ശരീരഘടനാശാസ്ത്രത്തിലുള്ള പരിപൂർണ്ണ ഗ്രാഹ്യവും ഒത്തൊരുമിച്ചപ്പോൾ Disc സംബന്ധിയായ ശസ്ത്രക്രിയകൾ തീർത്തും സുരക്ഷിതവും അതിശയിപ്പിക്കും വിധത്തിലുള്ള ഫലപ്രാപ്തിയും നേടിത്തന്നിരിക്കുന്നു.
Epilepsy കാരണം തലച്ചോറിൽ സംഭവിക്കുന്ന കേടുപാടുകൾ നീക്കം ചെയ്യപ്പെടുന്നതും ഇപ്പോൾ Neurosurgery- യുടെ സഹായത്താൽ സാധ്യമാണ്.
തലച്ചോറ് – നട്ടെല്ല് എന്നിവയെ സംബന്ധിച്ച അനുരൂപമായ അപാകതകൾ വരെ Neurosurgeons തികഞ്ഞ നൈപുണ്യത്തോടെയാണ് നേരിടുന്നത്.

ഒരു വിദഗ്ദ്‌ധ Neurosurgeon – ലേക്ക് എത്തിപ്പെടാനുള്ള യാത്ര തീർത്തും കാഠിന്യമേറിയതാണ്. 6 വർഷത്തെ പ്രാഥമിക മെഡിക്കൽ ട്രെയിനിങ്ങും ഇന്റേൺഷിപ്പും കൂടാതെ സർജറിയിൽ മാത്രം 3 വര്ഷം നീണ്ടു നിൽക്കുന്ന ബിരുദാനന്തര ബിരുദവും എടുക്കേണ്ടതാണ്. അതിനു ശേഷം 3 വർഷത്തെ Neurosurgery Super Speciality Training ചെയ്യേണ്ടതായി വരുന്നു. അങ്ങനെ 12-14 വർഷത്തെ സമഗ്രമായ പഠനത്തിനും, തീവ്രമായ പരിശീലനത്തിനും, അതീവശ്രദ്ധയോടെ നിർവഹിക്കുന്ന ഗവേഷണങ്ങൾക്കും ഒടുവിലാണ് ഒരു വ്യക്തി Neurosurgeon എന്ന തലത്തിലേക്ക് ഉയർത്തപ്പെടുന്നതു. ഇതിനു ശേഷം Neurosurgeon – നു ഏതെങ്കിലും ഒരു Subspeciality തിരഞ്ഞെടുക്കാവുന്നതാണ്. Neuro Oncology, Neuro Endoscopy, vascular Neurosurgery, Paediatric Neurosurgery, Spine, Trauma, Functional Neurosurgery തുടങ്ങിയവയാണ് സബ്‌സ്‌പെഷ്യലിറ്റിയിൽ പെടുന്നത്. 1 – 2 വർഷത്തെ ഫെല്ലോഷിപ്പ് ട്രെയിനിങ് ഇതിനു തീർത്തും ആവശ്യമായി വരുന്നു.

ഏതൊരു ന്യൂറോസർജിക്കൽ രോഗിയും ഒരു Neurosurgeon- ന്ടെ അരികിൽ എത്തുന്നത് തികച്ചും ഗുരുതരമായ രോഗാവസ്ഥയിലായിരിക്കും. അതിനാൽ തന്നെ സുദീർഘമായ വൈദ്യപരിചരണം തികച്ചും ആവശ്യവുമായി വരുന്നു. ഒരു രോഗിയെ സംബന്ധിച്ചു മരണത്തിനടുത്തുനിന്നും ജീവിതത്തിലേക്കുള്ള അയാളുടെ തിരിച്ചുവരവിന് പിന്നിൽ ഒരു Neurosurgeon- ന്ടെ വിരാമമില്ലാത്ത നിരന്തര പരിശ്രമമുണ്ട്. പലപ്പോഴും ഒരു ആയുഷ്കാലം മുഴുവൻ നിറഞ്ഞുനിൽക്കുന്ന ഊഷ്മളത നിറഞ്ഞ ആത്മബന്ധമായി ഡോക്ടർ – രോഗി ബന്ധം മാറുന്നു.

DR ARUN OOMMEN

MBBS, MS, Mch ( Neurosurgery), MRCS Ed, MBA
Senior Consultant Neurosurgeon
VPS Lakeshore Hospital
Kochi
Authors
Top